بنات تعالن نسولف على يوم الغدير..
أولاً /لا تنسن باجر (عيد الغدير) يعني بيه صيام إن شاء الله وصيامه كفارة لذنوب ٦٠ سنة.
ثانياً / لبسن هدوم حلوة ويستحب التزيّن والاحتفال حتى لو شيء بسيط ع كدج
والي تسوي هيج يغفر لها رب العالمين كل خطيئة عملتها سواء صغيرة أو كبيرة.
ثالثاً / أهم شي تبتسمون بالوجه مو تگلبن خلقچن ولو بس باجر
والي تسوي هيج ينظر لها ربها نظر رحمة
ويقضي ألها الف حاجة ويبنيلها قصر بالجنة
بعد شتردن وين لاكياتها هاي؟.
رابعاً / الي تكدر تسوي أكل تدزه للجيران أو أي أحد تعرفه يعني ناس ما عدهم فطور
هاي بعد أجرها كأنما أطعمت جميع الأنبياء والصديقين.
خامساً / لزمن سبحة وصّلن على محمد وآل محمد شكد ماتگدرن حتى لو أنتن وتشتغلن بالمطبخ.
سادساً / (المؤاخات) وهاي طبعاً أجرها لا يعد ولا يحصى، يعني تخلين أيدج اليمنى على أيد اليمنى لأي إنسانة مؤمنة (أخت، جيران، أقرباء، صديقة) أي أحد وتكوليلها هاي العبارة:
وأخيتك في الله وصافيتك في الله وصافحتك في الله وعاهدت الله وملائكته وكتبه و رسله وأنبيائه والأئمة المعصومين (عليهم السلام) على أني أن كنت من أهل الجنة والشفاعة وأذن لي بأن أدخل الجنة لا أدخلها إلا وأنت معي
عاد هي تجاوبج وتگول الج:
قبلت
وراها تگول ألها:
أسقطت عنك جميع حقوق الأخوة ماخلا الشفاعة والدعاء والزيارة.
وإذا تردن حتى لو على مواقع التواصل نسويها بيناتنا، لأن هالعمل جان النبي (عليه الصلاة والسلام) يسويه بين أصحابه.
طبعاً باقي الأعمال العبادية من (الغسل والدعاء والصلاة وزيارة أمير المؤمنين “عليه السلام”)، تلكوها بكتاب مفاتيح الجنان إذا تحبون اطلعوا عليها.
ويا رب يثبتنا وإياكم على ولاية أمير المؤمنين (عليه السلام )
وألف الحمد لله إلي جعلنا من شيعته
بالنسبة للأخوة الشباب دائما تجيني رسايل منهم يگولولي ليش كلامج بس وية البنات وإحنا شنو مو بشر؟
أنتو هم الأمر يشملكم سووا نفس الأعمال
وألكم أجر كبير إذا عفتوا المشاكل وية نسوانكم العمر كله مو بس باجر
ترى مو بس النسوان يدورن نگ
للبعض ها
وربي يبارك للجميع وتقبل الله أعمالكم مقدماً
مجمع المبلغات الرساليات الرصافة الثالثة
يمكنك الاشتراك أيضا على قناتنا في منصة يوتيوب لمتابعة برامجنا على: قناة النعيم الفضائية